Vil benda ykkar á góða bók

Þessa dagana er ég að lesa bókina "The best way to rob a bank is to own one" eftir Íslandsvininn William K. Black. Í bókinni er lýst því umhverfi sem þarf að vera til að svikamyllur gangi upp. Lykilþættirnir eru í því að stjórnendur fyrirtækjanna fái ríflegan ávinning í gegnum hlutbréfaeign sína í hlutafélaginu, uppgjör séu ógagnsæ (áhættan er ekki ljóst í rekstri félagsins), eftirlitskerfið gert veikburða og talið óþarft, ofurlaun til að verðlauna samvinnuþýða einstaklinga og óraunveruleg viðskiptavilld búin til.

Rannsaka íslensku bankana

"Sanngjörn málsmeðferð"

Mér finnst ótrúlegt að talað sé um sanngjarna málsmeðferð þar sem einn af 500 ríkustu mönnum Bretlands er að óska eftir því að borga hluta af 6 milljarða skuld sinni við gamla Búnaðarbankann. Í einkavæðingunni fengu þeir þessa peninga lánaða til að kaupa Landsbankann en eitt að frumskilyrðum við einkavæðingu var að peningarnir væru að koma frá öðrum löndum sem fjárfesting á Íslandi.
Hvaða sanngirnir er í því að lán okkar hafa hækkað um fleiri tugi prósenta vegna hrunsins? Er Björgólfur Thor eitthvað í verri aðstæðum en Jón og Gunna að borga af sínum lánum?

Öryggi starfsmanna ógnað

Jólagjöf Baugs til íslensks almennings

Enn stækkar afskriftareikningur íslensku þjóðarinnar út af útrásinni frægu. Baug hefur tekist að setja tebúð á Englandi sem hefur lifað af heimskreppuna miklu (1929), fyrri og seinni heimsstyrjöld og aðrar þrengingar í gegnum árin á hausinn eftir aðeins þrjú ár í rekstri. Tap íslensku þjóðarinnar á þessu er um 4-5 þúsund milljónir. Hver mun rannsaka þetta gjaldþrot? Hvar eru allir peningarnir sem fyrirtækið átti? Þökkum Bónus fyrir lágt matvælaverð, okkur til hagsbóta.

Whittard of Chelsea gjaldþrota

Raunverulegt dæmi um einkavæðingu hagnaðarins frá í gær

Hér að neðan er fjallað um að eigendur Milestone skuldi 115 milljarða! en eignir eru metnar á um 60 milljarða. Þetta félag er því gjaldþrota og ríkið verður því að taka við því eins og mörgum öðrum "fyrirbærum" sem stofnuð hafa verið til hin síðari ár. Ótrúlegt er hins vegar að lesa þennan samning vegna þess að ríkið tekur á sig tapið en fyrrverandi eigendur fá hluta af hagnaði ef eignir hækka í verði. Þeir munu hins vegar ekki taka á sig tapið ef það verður meira! Hvaða rugl er þetta? Hvað segir viðskiptaráðherra um þetta? Eru þessir viðskiptamenn sem kunna ekki almennan rekstur ekki búnir að eyðileggja nógu mikið þó að hagnaðinum verði ekki mokað í vasann á þeim aftur? Hvar eru reglurnar sem átti að setja fyrir mörgum vikum síðan og átti að vinna eftir? Er þetta bara brot af ruglinu sem er í gangi?

Milestone-eigendum hyglað

Verið er að hygla eigendum fjárfestingarfélagsins Milestone með þeim aðferðum sem notaðar eru við endurskipulagningu þess, segir Vilhjálmur Bjarnason, framkvæmdastjóri Samtaka fjárfesta. Þessi meðferð sé óeðlileg í nauðasamningum eða gjaldþroti.

Samkvæmt frétt í Morgunblaðinu er verið að endurskipuleggja fjárfestingafélagið Milestone sem bræðurnir Karl og Steingrímur Wernerssynir eiga. Félagið skuldar 115 milljarða en eignir þess eru metnar á 60 milljarða. Við endurskipulagninguna eru því 55 milljarðar afskrifaðir. Miðað við þetta er eign bræðranna orðin að engu.

Hins vegar er þeim tryggður 13% eignahlutur ef eignirnar hækka í verði umfram þessa 60 milljarða. Vilhjálmur Bjarnason, framkvæmdastjóri Samtaka fjárfesta, segir þetta ekki hefðbundin vinnubrögð. Hann segir að ekkert jafnræði sé í þeim samningum sem skilanefndir bankanna séu að gera við fyrirtæki. Sömu reglur gildi ekki um alla eigendur og það sé óréttlátt.

Bankastjórar

Dapurlegt er að bankastjórar "nýju" bankanna séu með 1.750.000 í laun á mánuði sem eru hæstu laun sem ríkissjóður borgar. Eftir alla umræðuna um ofurlaun bankamanna er haldið í sama virðingarstigann. Ef þú stjórnar banka þá er það verðmætast starf þjóðfélagsins. Þetta átti að skoða og sumir ráðherrar sögðu að þetta yrði að laga. Ekkert gerist. Hvað finnst hinum almenna launamanna um þetta?

Ræða við samtök um horfurnar

Ólög

Það þarf að skoða vel lög um einkahlutafélög og hlutafélög varðandi þetta atriði. Að maður geti sett félag á hausinn, látið vin sinn kaupa það og kaupa það síðan aftur sjálfur. Hvað segir Alþingi núna? Hafa þeir ekki löggjafarvaldið? Voru þeir kannski ekkert að veltu þessu fyrir sér og menn nýta gloppur í lögunum?

Next og Noa Noa aftur í eigu sömu hjóna

Óvinsældir ríkisstjórnar

Margt er hægt að segja um ráðaleysi og aðgerðarleysi ríkisstjórnarnir sem hafa leitt okkur í að setja heimsmet í skuldum miðað við þjóðarframleiðslu.
Ríkisstjórn Íslands er líka að setja heimsmet í óánægju meðal almennings. Hún er orðin álíka vinsæl og Bush stjórnin meðal Bandaríkjamanna. Segir það ekki eitthvað? Er ekki kominn tími á kosningar?

Þetta þarf að stöðva strax!

Þennan gjörning þarf að stöðva strax í fæðingu en vandséð er hvernig það er hægt þar sem Bakkavarabræður eiga meira en 45% af hlutaféinu og stjórnin fer með meira en 50% í félaginu. Það er mikið í húfi fyrir almenning og lífeyrissjóði landsins.

Stefna að yfirtöku á stjórn Exista

Ríkið á Tryggingamiðstöðina. Hvað er að gerast?

Stoðir (áður FL Group) var búið að sækja um greiðslustöðvuna. Þess vegna hljóta þeir að vera núna í meðferð ríkisbankanna.Þrír stærstu lánadrottnar Stoða eru viðskiptabankarnir Glitnir, Kaupþing og Landsbankinn.
Núna eru fjárfestar byrjaðir að bjóða í brunarústir útrásarvíkinganna.
Kaldbakur segist vera tilbúinn að borga 42 milljarða fyrir TM. Hver á að fjalla um þetta tilboð? Er hagstætt að selja núna? Hvað fékk TM fyrir hlut sinn í norska tryggingarfélagið Nemi sem það seldi fyrir stuttu síðan? Er ekki eðlilegast að það verði opið útboð þar sem leikreglur eru alveg ljósar og jafnræðis sé gætt? Væri þetta ekki góð fjárfesting fyrir lífeyrissjóðina okkar? Hver tekur á móti tilboðum?
Er sami leikurinn að byrja aftur? Enginn hugsar um hag almennings og að hágmarka ágóða okkar sem eigum bankakerfið?

42 milljarðar kr. fyrir TM

FME fær 10 í einkunn hjá Geir H. Haarde og Ingibjörgu Sólrúnu

Ótrúlegt hefur verið að fylgjast með því hvernig forsætisráðherra og utanríkisráðherra halda hlífðarhendi yfir Jónas Fr. Jónssyni og starfsfólki FME. Þetta er fólkið sem átti að stoppa bankana af þegar þeir voru farnir að taka til sín innistæður Breta og Hollendinga af því að þeir fengu ekki lán hjá öðrum bönkum. Ekki er hægt að kenna falli Lehman um hrun íslensks efnahagslífs.
Í stað þess að starfsfólk FME sé látið taka pokann sinn vegna hrunsins er það allt í einu orðið valdamesta fólk landsins þar sem það stjórnaði öllum stóru bönkunum.
Svo að staðreyndum sé haldið til haga hefur Jónas Fr. Jónsson neitað viðtali í 7 vikur. Honum ber að veita viðtal vegna þess að hann er opinber starfsmaður og þiggur laun frá almenningi. Hann er í vinnu hjá okkur!
Ástæðan fyrir því að búið er að slá skjalborg utan um FME er að þar eru upplýsingar sem gott væri fyrir almenning að vita en við komumst líklega aldrei að nema að steypa þessum stjórnvöldum og meðreiðarsveinum þeirra.
Að lokum vil ég minn á það að Kaupþing sendi Jónas Fr. Jónssyni rauðvín fyrir síðustu áramót og starfsfólki FME. Aðrir bankar sendu þeim konfekt fyrir jólin. Rauðvínsgjöfin var ekki afþökkuð og sagði Jónas Fr. Jónsson að þær myndu ekki hafa áhrif á dómgreind starfsmanna. Ekki ætla ég að dæma um það.
Lifi byltingin!

Frammistaða FME ekki undirrót sameiningar